ما علموك بغيبتك وش جرالى
حتى الخبل لاشافنى قال عزاه
مافيه شي موحش ماطرالى
ولافيه ضيق الاتعانقت وياه
هذا مداه وضاق صدر الشمالى
تقولى وش جاه واقول وش جاه
عزيز قوم وبهذلته اليالى
كبا به حصانه وضاقت به خطاه
شف حالتى والصبر ماسر حالى
بين الصدق والاحساس والامبالاه
تعبت اقول ان الامل راس مالى
واشوف ثوب الصبر ينشق وارفاه
الياس حمله فوق كل احتمالى
نوب اتعثر به ونوب اتخطراه
يرسم على وجهى ملامح ظلالى
واحاول ارسم بسمتى واتحداه
ضميان والعد القرح الزلالى
كبدى تبى قربه ونفسى تحاشاه
طاح الدلو والسانيه والحبالى
وانا على جاله ولاذقت ماه
والحاجه الى فى نفوس الرجالى
اكثر حراها تخلف الرجل مبداه
كلمه تقال وكلمه ماتقالى
ماكل مافى الصدر للناس تقراه
لوشلت ماشلت ظهور الحمالى
لاطحت ماقلت عسى الله ياقاه
ياعل ما منقل الهرج والى
وابليس ياويله من الله ويلاه
لكن بعد ماصار مازلت غالى
مثل السقيم الى حمل رداه برداه
ان جيت يبقى منزلك بالعوالى
عرشك على حطت يدك ما احد جاه
وان رحت امى جبتنى لحالى
الحب عايش به وعايش بلياه
*********
العرض العادي
